Question 1

Como funcionan os obradoiros? Canto tempo duran?

Accepted Answer

Os obradoiros terán lugar na carpa do CinVigo e cada quenda dura 40 minutos. O neno/a sempre estará guiado polo monitor/a do seu grupo. As persoas responsables dos menores non terán acceso a carpa. Á saída agardará ao adulto encargado de recollelo/a e estará vixiado/a en todo momento polos monitores

Question 2

Qué experimentos van realizar na carpa?

Accepted Answer

Nos experimentos exploraremos mundos microscópicos, xogaremos con plastilina condutiva construíndo circuitos eléctricos e levaremos a cabo pequenos retos científicos. Todos están deseñados para nenos/as con idades comprendidas entre os 3 e os 12 anos.

Question 3

Poden participar nos experimentos unha nena ou un neno con alerxias?

Accepted Answer

Algúns materiais utilizados durante os obradoiros poden conter alérxenos ou trazas (froitos secos, glute, lactosa...). A pesar das nosas medidas de precaución para a seguridade de todos/as, non podemos garantir a ausencia de contaminación entre experimentos se o neno/a ten algunha alerxia.

Question 4

É necesario ter entradas para entrar aos obradoiros?

Accepted Answer

Si, e deberá achegarse unha copia física da entrada ou amosala no teléfono móbil para poder acceder á carpa de obradoiros. Só se poderá ter acceso ás entradas a través desta web.

Question 5

É necesaria unha autorización de imaxe para os menores?

Accepted Answer

Para acceder á actividade, os menores deberán contar cunha autorización de imaxe asinada polo seu titor/a legal. Ao tratarse dun evento público, poderán realizarse fotos e vídeos para uso da organización e medios de comunicación.

Question 6

Pódese cambiar de quenda?

Accepted Answer

Si, poderás inscribirte nunha nova quenda, pero deberás asegurarte de que hai prazas dispoñibles na quenda desexada e sempre cancelando a entrada anterior.

Question 7

É obrigatorio levar ao neno/a á hora que indica a entrada?

Accepted Answer

Si, de feito, non se permitirá a entrada á carpa fóra do horario indicado na entrada por motivos de aforo.

Question 8

Que pasa si non podo levar ou recoller ao neno/a? Pode ir outra persoa no meu lugar?

Accepted Answer

Para a recepción e recollida de cativos e cativas na carpa é imprescindible entregar a entrada e os datos deben coincidir cos da inscrición.

Question 9

Pódense cancelar as entradas no caso de que ao final non podamos asistir?

Accepted Answer

Si, as entradas pódense cancelar a través desta mesma web. En caso de non poder asistir, rogamos que procedas á súa cancelación para que outros/as nenos/as tamén poidan acudir e desfrutar desta actividade.

Question 10

Que fago se teño máis dúbidas? Como podo contactarvos?

Accepted Answer

Podes contactar connosco a través do correo cinvigo@uvigo.gal.

Question 11

En cantos obradoiros se pode participar?

Accepted Answer

Cada neno/a só poderá participar nunha única quenda para darlle a oportunidade de participar ao maior número de cativos e cativas. En caso de que un mesmo neno/a estea inscrito en máis dunha quenda entenderase como válida a última inscrición, eliminando as inscricións previas.

CinVigo 25 - Obradoiros científicos infantís