Gala ensaia 2024

Sobre a Gala ensaia.

Queremos que esta segunda gala sexa o espazo de encontro do talento galego e que poidamos desfrutala. Organizada con moito agarimo, nun espazo no que favoreceremos a comunicación buscamos, non soamente divulgar as traxectorias de máis de 8 persoas que están a impactar en Galicia, senón facer entrega das dúas «Bolsa ensaia 2024» e favorecer conexións de interese entre candidaturas e persoas interesadas.

A filosofía do encontro.

Toda a organización deste encontro faise grazas ao esforzo desinteresado de multitude de persoas polo que recomendamos acudir ao encontro cunha actitude de desfrute e contribución. O fin do encontro é visibilizar as diferentes candidaturas e fomentar a comunicación entre persoas que compartan intereses. Por suposto, aínda que se chame gala non hai etiqueta ningunha. O único protocolo que poderiamos esixir: desfrutar, aprender, escoitar, contribuír e falar con canta máis xente poidas.

Motivo do custo de 5€.

A nosa comunidade é de diferentes puntos de Galicia polo que vimos importante poder garantir o sitio na gala se deciden desprazarse. O importe é unha doazón que irá integramente aos fins sociais de ensaia. Velaí que sexa unha entrada social.

Abrimos portas ás 18:00, coa mellor parte. A Gala comezará puntual ás 19.30h

Si. Animámosvos a vir unha hora antes, precisamente, para poder establecer lazos e conexións entre candidaturas, comunidade e finalistas. Por certo, ás 19:30h comezaremos puntuais para poder rematar a unha hora que favoreza desprazamentos.

Desprazamentos e hospedaxe

Co obxectivo de facilitar tódalas opcións, creamos este documento para que valores alternativas de aloxamento e de transporte (con opción de compartir traxecto se o precisas). Aquí tes toda a información. Lembra que existe o bono de tren e que aparcar o coche pode levar uns minutos máis (vai con tempo)

Sobre o horario e a ubicación | Miraveo | A Coruña

Nova ubicación! O espazo está preto da estación de tren (15 min. camiñando a bo ritmo ou 5€ de taxi) e tamén ten facilidade de aparcamento nas inmediacións. Será nunha nova ubicación: o búnker Miraveo (sempre grazas a xenerosidade de Jairo Aldana). O encontro faise nun horario que permite á xente doutras cidades coller o último tren de volta para desfrutar a gala completa.

Haberá postgala.

Sí, e por partida dobre. En primeiro lugar, unha vez rematada a gala (21:30h) poderemos quedar no búnker miraveo a comentar o vivido. Igualmente, a partires das 23:00h, trasladamos a festa (voluntariametne) ao Le Tavernier (Avenira da Marina 6). Contamos contigo en ambas.

Temperatura.

Estamos en inverno, no norte de Galicia. Recomendamos vir con roupa de abrigo (non sobra). A opción de quitala, sempre é máis factible que a contraria.

Sobre ensaia.

Somos un movemento social que, en forma de comunidade e cunha visión de longo prazo, busca visibilizar e impactar positivamente na seguinte seración a través de crear unha cultura de xenerosidade.

• Máis información sobre ensaia e como facerse pinga (doante) aquí.
• Podes seguirnos no noso Instragram aquí.