_______________________
Hirien diseinua harrera-hiri bihurtzeko egokitu beharreko premiari buruz lan egingo dugu tailer honetan; gero eta handiagoa den biztanleria migratzaile baten premiei hobeto egokitutako hiriak lortzeko. Hutsik dauden lokalak aktibatzeko proposamenen definizioan lan egingo dugu praktika eta diskurtso berriak artikulatzeko, balioen eta ezagutzen eramaile den komunitate migratzaile baten premiei forma emanez. Tailer bat Kunsthaleko barrualdeen diseinuen ikasleekin eztabaida elikatzeko etorkizunerako agertoki errepikagarriak, zeharkakoak eta berritzaileak proiektatzeko.
Hiru formatu, tipologia edo programa probatzearen inguruan ardazten da proposamen hau (jantoki sozial bat, aldi baterako etxebizitza kolektibo bat eta erabilera sozialeko lokal bat), manteroen komunitateak proposatutakoak Leve estudioak egindako aldez aurreko proiektu batean.
Tailerraren hasieran, 09:00etatik 11:00etara, Camila Pinzón eta Leve hitzaldiak izango ditugu. Hitzaldi hauek publiko orokorrari irekita daude, aldez aurretik izena emanda. Hackaton formatua lantalde itxi batek osatzen du.
Honako hauen parte-hartzearekin:
Camila Pinzón Hirigintzako doktorea da Delft-eko Unibertsitate Teknologikoan eta Kolonbiako Unibertsitate Nazionaleko arkitektoa. Egoitza Amsterdamen duen Urbanos hirigintza-bulegoko sortzaileetako bat da. Urbanos bulegoak hiri-ikerketa, diseinua eta parte-hartzea konbinatzen ditu hirigune inklusibo, iraunkor eta giza eskalarako pentsatutakoak sortzeko. Diseinu partizipatiboko proiektuetan lan egin du Urbanos bulegoarekin Herbehereetan, Quiton eta Marrakexko gune publikoetan egindako esperimentuen bidez. 2021ean migrazioko guneei eskainitako Dearq aldizkariaren edizioaren editoreetako bat izan zen Camila, eta ‘Infraestructuras de arribo: una aproximación al espacio migrante en ciudades destino como Bogotá’ izenburuko artikulua argitaratu zuen. Ipar Holandako probintziako diseinuko lantaldeari lotuta dago Camila 2021az geroztik.
Eva Serrats-ek argazkilaritzaren, zinemaren eta arkitekturaren, eta kudeaketa kulturalaren arloetan lan egin du, besteak beste. 2007an Leve Producciones enpresa sortu zuen, eta diziplinartekotasunez egiten eta garatzen dituzte bertatik, beste pertsona batzuekin, eta lantalde tekniko eta kreatiboekin lankidetza estuan. “Siguiendo el pez” izenburuko bere proiektua Katalunia eta Balear Uharteak ordezkatzeko hautatu dute 2023ko Veneziako Arkitektura Bienalean eta arrazakeriaren aurkako aktibismoaren eta arkitekturaren arteko lan bateratu bat da, hirien etorkizunarekin lotutako pistak bilatzen.
Mbolo Moye Doole Bizkaiko plataforma manteroa da gune publikoan salmenta ibiltarian aritzen diren migratzaileen eskubideak defendatzeko.