Este obradoiro de impresión 3D en plásticos ten como obxectivo achegar ao público as máis recentes técnicas de fabricación aditiva en polímeros e o desenvolvemento de novos materiais funcionais, específicos para a impresión 3D, máis sostibles e con menor impacto medioambiental. O público poderá ver como funcionan dous tipos de impresoras (unha impresora de resina DLP e unha impresora 3D de filamento), a preparación de novos filamentos para a impresión FDM e novidosas aplicacións con materiais innovadores.
*Importante: Durante este evento tomaranse fotografías e vídeos para a súa difusión na web e nas redes sociais do CITENI. Tamén acudirá prensa gráfica. Se non desexas aparecer nestes contidos, por favor, comunícallo á organización ou a persoa responsable da toma de imaxes durante o obradoiro.
